WP: IShID Mosulda “chirkin bomba” yaratish uchun zarur qismlardan foydalanish imkoniyatiga ega bo‘lgan
IShID jangarilari Mosulda “chirkin bomba” yaratish uchun zarur bo‘lgan radiofaol qismlardan foydalanish imkoniyatiga ega bo‘lgan. Bu haqda Washington Post gazetasi ma’lum qildi, deb xabar beradi “TASS”.
Gap Mosul tibbiyot universitetida saqlangan va saraton kasalligiga chalinganlar uchun mo‘ljallangan radiofaol kobalt-60 moddasi haqida ketmoqda. O‘quv yurti jangarilar nazoratidagi hududda joylashgandi.
Biroq Mosul ozod etilganidan so‘ng bu yer tekshiruvdan o‘tkazilganda terrorchilar, garchi modda mavjudligi haqida xabarlari bo‘lsa ham, unga hatto teginmagani ma’lum bo‘ldi.
Iroq rasmiylari va AQShning yadro xavfsizligi bo‘yicha ekspertlari jangarilar o‘zlarini radiatsiya nurlanishi xavfiga qo‘ymaslik uchun omborni ochishdan cho‘chiganini taxmin qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
