Abu Dabida talabalarga bir kunga haqiqiy politsiyachi bo‘lishga ruxsat berildi

21-iyul, juma kuni BAAdagi yozgi politsiyasi akademiyasi talabalari Abu Dabidagi tezkor dispetcherlik punktiga tashrif buyurdi va u yerda politsiya ishi bilan yaqindan tanishdi. Bu haqda UAEInside xabar bermoqda.

Talabalar bir kun davomida o‘zini haqiqiy politsiyachiday his etdi. Jumladan, ular butun mamlakatdan kelayotgan favqulodda qo‘ng‘iroqlarni qabul qildi.

Masalan, talaba Ahmad Sulaymon al-Shixiy bir shikoyatni qabul qildi. U voqeani tizimda ro‘yxatdan o‘tkazishga erishdi, shundan so‘ng uning hamkasbi Mudad al-Ka’biy yaqin atrofdagi politsiya patrulini voqea joyiga safarbar qildi.

“Bu nafaqat bizning milliy g‘ururimizni oshiradi, balki xavfsizlik haqida ko‘proq axborotga ega bo‘lishimizga imkon beradi”, — dedi amaliyot rahbari polkovnik at-Tamimiy.