Toshkent viloyati bo‘ylab safar qilgan Shavkat Mirziyoyev, qurol olib yurishga ruxsat berish haqidagi qonun loyihasi, narxi oshgan shakar va kunning boshqa muhim xabarlari
21-iyulning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Toshkent viloyati bo‘ylab safar qildi. Prezident Angrenda bo‘ldi, Chimyon va Xo‘jakentda quriladigan yangi mehmonxonalar, tog‘-chang‘i dam olish maskani, Parkentdagi yozuvchi va shoirlar uchun uylar, “Toshkent—To‘ytepa” yo‘lidagi ko‘p qavatli uylar loyihalari bilan tanishdi, O‘rta Chirchiqdagi otlarni borib ko‘rdi.
2. O‘zbekistonda qurolning alohida turlarini olib yurishga ruxsat berilishi mumkin. Bu haqdagi qonun loyihasi Ichki ishlar vazirligi tomonidan ishlab chiqilgan.
3. O‘zbekistonda shakarning davlat narxi oshdi. Shakar mamlakatda narxi davlat tomonidan boshqariladigan sakkiz mahsulotdan biri hisoblanadi.
4. Linkin Park guruhi solisti Chester Bennington o‘z joniga qasd qildi. Chester Benningtonning o‘limi kuni chiqqan klip 5,6 million marta tomosha qilindi.
5. Toshkentda 6 oy ichida 400 dan ortiq fohishalik bilan bog‘liq jinoyat aniqlandi. Fohishaxona saqlash holati aniqlangan har bir xonadon ichki ishlar idoralari tomonidan xatlanadi.
