Li Min Xo 38 yoshga to‘lgani munosabati bilan tug‘ilgan kunini nishonladi. U muxlislari yuborgan sovg‘alar bilan to‘la xona suratlarini ijtimoiy tarmoqlarda ulashdi. Hashamatli sovg‘alar tushirilgan bu suratlar tezda mashhurlikka erishdi va Koreya jamoatchiligi orasida turli munosabatlarga sabab bo‘ldi.
Har yili bo‘lgani kabi Li Min Xo gullar, sharlar va qimmatbaho sovg‘alar uchun muxlislariga minnatdorlik bildirdi.
Tug‘ilgan kunda sovg‘a olish yomon emas, biroq ko‘pchilik Li Min Xoning yillar davomida muxlislardan qimmatbaho sovg‘alar qabul qilishini noo‘rin deb hisoblamoqda. Ba’zi internet foydalanuvchilari esa uning darajasidagi aktyorlar moddiy sovg‘alarni muloyimlik bilan rad etib, faqat e’tiborni qadrlashi ma’qulroq bo‘lar edi, deb ta’kidladi.
Shuningdek, Li Min Xoni ekologik muammolarga beparvo munosabatda ayblashdi. Ba’zilar esa mashhur aktyorning sovg‘alarni umuman qabul qilmasligi kerakligini aytdi.
Bu har bir kishining shaxsiy ishi. Ammo yulduzlardan Pak Bo Gom va G-Dragon sovg‘alarni rad etgani bilan ko‘proq hurmatga sazovor bo‘lishadi.
Ochig‘i, bu juda noo‘rin ko‘rinadi. Hozir kamtarlik haqida ko‘p gapirilmoqda. Agar u kelasi yili ham shunday suratlar joylasa, demak aktyor o‘zgarmoqchi emas.
Uning shu yoshida va daromadida bunga sovg‘alar nega kerak?
U juda boy, sovg‘alarni qabul qilishni keragi yo‘q. Bu haqiqatan ham kambag‘allar boylarga sovg‘a berayotgandek ko‘rinadi. Va shunday taassurot paydo bo‘ladiki, u kelasi yilda yanada ko‘proq sovg‘a kutmoqda
Aktyorlar suratga olish uchun yuz millionlab pul olishadi, yana sovg‘alarni qabul qilib, buni ko‘rsatishadi. Bu qandaydir hurmatsizlik.
Izoh (0)