Buxoro viloyati Kogon tuman IIBga “Jemchushina Oazis” MChJ qorovuli H.Sanoqulov ariza bilan murojaat qilgan. Arizaga ko‘ra ikki nafar shaxs u navbatchilikda bo‘lgan tunda kelib, o‘zlarini MXX xodimlari deya tanishtirib, MChJ hududida kuzatuv kameralari o‘rnatilmaganligi uchun 10 million so‘m miqdorida jarimaga tortmaslik evaziga uning 750 ming so‘m naqd pullarini firibgarlik yo‘li bilan qo‘lga kiritganliklarini bildirgan. Bu haqda Buxoro viloyati IIB matbuot xizmati xabar berdi.
Ichki ishlar idoralari xodimlari tomonidan olib borilgan tezkor tadbirlar davomida, o‘zlarini MXX xodimi deb tanishtirgan ushbu firibgarlik jinoyatini amalga oshirgan shaxslar qo‘lga olindi. Ulardan biri “Buxoro sug‘urta” MJChda sug‘urta vositachisi lavozimida ishlovchi 1982-yilda tug‘ilgan, muqaddam sudlangan A.Qurbonov hamda 1983-yilda tug‘ilgan, muqaddam sudlangan Z.Sharipovlar sodir qilganliklari aniqlandi.
Mazkur holat yuzasidan A.Qurbonov va Z.Sharipovlarga nisbatan O‘zbekiston Respublikasi Jinoyat Kodeksining 168-moddasi 2-qismi bilan jinoyat ishi qo‘zg‘atilgan.
Izoh (0)