Sirdaryo viloyati Sayxunobod tuman IIB xodimlari tomonidan o‘tkaziligan tezkor tadbir davomida, 1971-yilda tug‘ilgan Xolmurod Usmonov xonadoni xolislar ishtirokida ko‘zdan kechirildi. Xonadon oshxonasining yerto‘lasida IIBda hisobda turmaydigan, 1 dona B-7570A-raqamli sport pistoleti va 18 dona o‘qlari tegishli hujjatlarsiz noqonuniy ravishda saqlanayotgani aniqlanib, daliliy ashyo sifatida olingan, deb xabar berdi viloyat IIB matbuot xizmati.
Ekspert xulosasiga ko‘ra, Xolmurod Usmonovdan olingan 1 dona B-7570A raqamli to‘poncha SSSR davridagi IJ-SPL-01 zavodida ishlab chiqarilgan sport to‘ponchasi hisoblanib, o‘qotar qurollar turkumiga kirmasligi, olingan 18 dona o‘q dorilardan 16 donasi 5,6 kalibrli patronlari ekanligi va otish uchun mo‘ljallangan bo‘lib, o‘q-dorilar turiga kirishi, otish uchun yaroqli ekanligi ko‘rsatilgan.
Hozirda fuqaro Usmonovga nisbatan O‘zbekiston Respublikasining Jinoyat kodeksining tegishli moddalari bilan jinoyat ishi qo‘zgatilgan.
Izoh (0)