Ueyn Runi faoliyatini “Everton” klubida davom ettiradi. U 2004-yil aynan liverpulliklar safidan Manchesterga yetib kelgandi, oradan 13 yil o‘tib, o‘z uyiga qaytdi.
Men Runida katta ambitsiyalar va g‘oliblik mentalitetini ko‘raman. U sovrinlarni qanday qilib qo‘lga kiritishni biladi va men Runi uyiga qaytganidan xursandman. U “Everton”ni sevgani uchun ham qaytishni juda xohladi. Runi bor-yo‘g‘i 31 yoshda, shu boisdan men uning imkoniyatlariga hech qanday shubha bilan qaramayman.Ronald Kuman, “Everton” bosh murabbiyi
“Manchester Yunayted”dagi 13 yili davomida Runi klub tarixidagi eng yaxshi to‘purarga aylandi. O‘tgan vaqt davomida hujumchi raqiblar darvozasini 253 bor ishg‘ol qilishga muvaffaq bo‘ldi.
Runi “Yunayted” bilan besh marta Angliya chempionligini qo‘lga kiritdi. Bir martadan Chempionlar ligasi, Yevropa ligasi, Angliya kubogi va klublar o‘rtasidagi Jahon chempionatida zafar quchdi. Ueynga uch marta Angliya liga kubogi va to‘rt marta Superkubogi nasib qildi.
Runi “Everton”da 10-raqamda to‘p suradi. O‘tgan mavsum liverpulliklar safida Romelu Lukaku shu raqamda o‘ynardi. Qiziq tomoni, bu futbolchilar o‘zaro klub almashdi.
“Manchester Yunayted”ga katta rahmat aytaman. Rahbariyatdan, menga ustozlik qilgan murabbiylardan, men bilan ishlagan xodimlardan, men bilan o‘ynagan jamoadagi do‘stlarimdan va albatta meni baxtiyor qilgan muxlislardan cheksiz minnatdorman. Ajoyib xotiralarni unutmayman.Runi va “Everton” o‘rtasida 2 yillik shartnoma tuzildi. U o‘zi ichiga nimalarni olishi borasida ma’lumot berilmagan.Ueyn Runi, “Everton” a’zosi
So‘nggi 13 yil davomida bir sirni o‘zimda saqlab keldim. O‘tgan davr ichida bolalarim bilan uyda “Everton” pijamasida uxlardik. Endi bu futbolkalarni oshkora kiyish ajoyib. Men 13 yil avvalgi hissiyotlarni boshimdan qayta o‘tkazmoqdaman. “Everton” safidagi birinchi o‘yinni sabrsizlik bilan kutaman.Manchesterliklar Ueyn Runi jamoani tark etgach, ijtimoiy tarmoqqa unga bag‘ishlab ishlangan video joylashtirdi.Ueyn Runi, “Everton” a’zosi
Our special video celebrates @WayneRooney's 13 years at #MUFC... #FarewellToALegend pic.twitter.com/ZpQn3kRpZ1
— Manchester United (@ManUtd) July 9, 2017
Izoh (0)