Уэйн Руни «Юнайтед» билан хайрлашди ва «Эвертон» билан 2 йиллик шартнома имзолади

Уэйн Руни фаолиятини «Эвертон» клубида давом эттиради. У 2004 йил айнан ливерпулликлар сафидан Манчестерга етиб келганди, орадан 13 йил ўтиб, ўз уйига қайтди.

Мен Рунида катта амбициялар ва ғолиблик менталитетини кўраман. У совринларни қандай қилиб қўлга киритишни билади ва мен Руни уйига қайтганидан хурсандман. У «Эвертон»ни севгани учун ҳам қайтишни жуда хоҳлади. Руни бор-йўғи 31 ёшда, шу боисдан мен унинг имкониятларига ҳеч қандай шубҳа билан қарамайман.Рональд Куман, «Эвертон» бош мураббийи

«Манчестер Юнайтед»даги 13 йили давомида Руни клуб тарихидаги энг яхши тўпурарга айланди. Ўтган вақт давомида ҳужумчи рақиблар дарвозасини 253 бор ишғол қилишга муваффақ бўлди.

Руни «Эвертон»да 10-рақамда тўп суради. Ўтган мавсум ливерпулликлар сафида Ромелу Лукаку шу рақамда ўйнарди. Қизиқ томони, бу футболчилар ўзаро клуб алмашди.

«Манчестер Юнайтед»га катта раҳмат айтаман. Раҳбариятдан, менга устозлик қилган мураббийлардан, мен билан ишлаган ходимлардан, мен билан ўйнаган жамоадаги дўстларимдан ва албатта мени бахтиёр қилган мухлислардан чексиз миннатдорман. Ажойиб хотираларни унутмайман.

Уэйн Руни, «Эвертон» аъзоси

Сўнгги 13 йил давомида бир сирни ўзимда сақлаб келдим. Ўтган давр ичида болаларим билан уйда «Эвертон» пижамасида ухлардик. Энди бу футболкаларни ошкора кийиш ажойиб. Мен 13 йил аввалги ҳиссиётларни бошимдан қайта ўтказмоқдаман. «Эвертон» сафидаги биринчи ўйинни сабрсизлик билан кутаман.

Уэйн Руни, «Эвертон» аъзоси

Our special video celebrates @WayneRooney's 13 years at #MUFC... #FarewellToALegend pic.twitter.com/ZpQn3kRpZ1

— Manchester United (@ManUtd) July 9, 2017