Xitoyning Alibaba Group kompaniyasi Pekindagi prezentatsiyada Tmall Genie X1 ovoz yordamchisini taqdim etdi. Ushbu uskuna raqobatchilarning “aqlli” kolonkalaridan ancha arzon turadi, deb xabar beradi TJournal.
Uskuna 8-avgust kuni sotuvga chiqariladi. Uning narxi 499 yuanni (73 dollarni) tashkil etadi. Bu narx bir oylik sinov muddati uchun o‘rnatilgan.
Kolonka faqat Xitoyda sotiladi. Hozir u faqat xitoy tilining mandarin shevasini qo‘llab-quvvatlaydi.
Tmall Genie X1 ovoz buyrug‘i yordamida musiqa qo‘yishi, ovqat buyurtma qilishi, yangiliklarni o‘qib berishi va taqvim bo‘yicha rejalarni eslatib turishi mumkin. Uning yordamida Alibaba’ga tegishli Tmall savdo maydonchasidan tovarlar sotib olish hamda kompaniyaning boshqa uskunalarini, jumladan, Tmall Box konditsionerini boshqarish mumkin bo‘ladi.
Tmall Genie X1 G‘arbda ishlab chiqarilgan muqobillaridan ancha arzon — Google’ning ovoz yordamchisi 129 dollar, Amazon ovoz yordamchisi 179 dollar turadi. HomePod (Apple) narxi esa 349 dollardir.
Izoh (0)