Amerikaning Vashington shtatida talaba quruq qo‘l bilan tikonli akulani ushladi, deb xabar berdi The Seattle Times.
Viskonsin-O-Kler universitetining ikkinchi bosqich talabasi, 19 yoshli Aleks Uinn do‘stlari bilan qirg‘oq bo‘yida dam olayotganida akulalar to‘dasini ko‘rib qolgan. U bandargohdan suvga sakragan va bir necha soniya ichida qo‘lida baliq bilan chiqqan.
Uinning ta’kidlashicha, u hech qachon bu kabi akulalarni yaqindan ko‘rmagan va boshqa bunday imkoniyat bo‘lmaydi deya suvga sakragan. O‘ljani namoyish qilgach, uni qo‘yib yuborgan. Aleksning so‘zlariga ko‘ra, akulaga hech qanday shikast yetmagan.
Tikonli akulalarning uzunligi odatdan bir metrdan oshmaydi. Ular odamlarga xavf tug‘dirmaydi, biroq o‘zining tikonlari yoki suzgichlari bilan jarohat yetkazishi mumkin. Tikonlari asosidagi temir kuchsiz zahar ishlab chiqaradi.
Izoh (0)