Zoolog Silviu Petrovan yovvoyi o‘rdaklar boshqa qushlarga hujum qilib, ular bilan oziqlanayotganini suratga olishga erishdi. Bu haqda, BBC’ga asoslanib, “Gazeta.ru” xabar bermoqda.
Olimning so‘zlariga qaraganda, bu mazkur qushlar fe’l-atvorining shu paytgacha ma’lum bo‘lmagan jihatidir.
O‘rdaklar jiblajibon va qizildumning bolalarini ov qildi. Jiblajibonni katta urg‘ochi quvladi, unga yetib olib, tushmug‘i bilan ushlagancha suvga bir necha marta botirib oldi, so‘ng yutib yubordi.
Qizildum esa yosh erkak o‘rdakning o‘ljasiga aylandi.
“Bechora qush suvga qo‘ndi, chinqirib, xavfli hududdan qochishga harakat qildi. O‘rdaklar shu zahoti unga tashlandi”, — tasvirlaydi jarayonni Petrovan.
Izoh (0)