Kelayotgan dam olish kunlari O‘zbekistonda havoning keskin isishi kutilmoqda. Bu haqda Favqulodda vaziyatlar vazirligi matbuot xizmatiga tayanib, “Gazeta.uz” xabar bermoqda.
Nashrning O‘zgidromet ma’lumotlariga tayanib yozishicha, 17-iyun, shanba kuni Buxoro, Navoiy, Qashqadaryo va Surxondaryo viloyatlarida harorat +42 darajaga ko‘tariladi. Toshkent shahri, Toshkent, Sirdaryo, Jizzax va Samarqand viloyatlarida, shuningdek Farg‘ona vodiysi hududida +35…+40 daraja bo‘lishi kutilmoqda. Qoraqalpog‘iston va Xorazm viloyatida — +33…+38 daraja.
Respublikaning tog‘li hududlarida havo o‘zgarib turadi, 16 va 19-iyunda yog‘ingarchiliklar bo‘lmaydi, 17—18-iyunda ayrim joylarda yomg‘ir yog‘ishi mumkin. Shamol sharqdan 7—12 m/s tezlikda esadi, 17-iyunda ayrim joylarda sekundiga 15—20 metrgacha kuchayishi mumkin. Harorat kechasi +9…+14, kunduzi 16—17-iyunda +23…+28, 18—19-iyunda +18…+23 daraja issiq bo‘ladi.
FVVning qayd etishicha, shamol tezligining kuchayishi daraxtlarning qulashi, elektr tarmoqlarining uzilishiga olib kelishi mumkin. Vazirlik fuqarolardan ehtiyot choralarni ko‘rishni so‘ramoqda.
Izoh (0)