O‘zbekiston Respublikasi Sog‘liqni saqlash vazirligi, Kasaba uyushmalari federatsiyasi kengashi va qator tashkilotlar hamkorligida “Hamshira – 2017” ko‘rik-tanlovining mamlakat bosqichi bo‘lib o‘tdi, deb xabar berdi O‘zA.
Tanlovning yakuniy bosqichi ishtirokchilari tibbiyot sohasidagi amaliy va nazariy bilimlarini namoyish etib, O‘zbekistonda amalga oshirilayotgan tub islohotlar, xususan, sog‘liqni saqlash tizimidagi keng ko‘lamli chora-tadbirlar mohiyati, unda hamshiralarning o‘rni va vazifasi bo‘yicha bilimini sinovdan o‘tkazdi.
Qizg‘in bahslar yakunida Toshkent shahar shoshilinch tibbiy yordam klinik shifoxonasi hamshirasi Shahnoza Fozilova birinchi o‘rinni qo‘lga kiritdi.
Bugungi yutuqni, avvalo, katta ishonch va mas’uliyat sifatida qabul qildim. Bugungi kun hamshirasi malakali tibbiyot xodimi sifatida namoyon bo‘lishi darkor. Mamlakatimizda hamshiralar bilim va malakasini oshirishi uchun barcha imkoniyat hamda shart-sharoitlar yaratilmoqda. O‘zbekiston Respublikasi Vazirlar Mahkamasining shu yil 4-apreldagi “Tibbiyot xodimlarining malakasini oshirish va ularni qayta tayyorlash tizimini takomillashtirishga doir qo‘shimcha chora-tadbirlar to‘g‘risida”gi qarorida 2017—2018 o‘quv yilidan boshlab Toshkent vrachlar malakasini oshirish institutida oliy ma’lumotli tibbiyot hamshiralari malakasini oshirish belgilangani ham buning yorqin dalilidirNamangan viloyati Pop tuman tibbiyot birlashmasi shoshilinch tibbiy yordam bo‘limi hamshirasi Feruza Bo‘tayeva ikkinchi, Buxoro viloyat ko‘p tarmoqli tibbiyot markazi reanimatsiya bo‘limi hamshirasi Muharram Salimova uchinchi o‘rinni egalladi. G‘oliblar diplom va esdalik sovg‘alari bilan taqdirlandi.Shahnoza Fozilova
Izoh (0)