AQSh Senati Rossiyaga qarshi sanksiyalarni kuchaytirdi

AQSh Senati Rossiyaga qarshi sanksiyalarni kuchaytirish hamda Eronga bosim o‘tkazishni jadallashtirish to‘g‘risidagi qonunni ma’qulladi. Bu haqda “Gazeta.ru” xabar bermoqda.

Qonun loyihasini yoqlab 98 senator ovoz berdi, ikki kishi unga qarshi chiqdi. Ushbu qonun loyihasining qabul qilinishi uchun ovozlar ko‘pligining o‘zi kifoya edi.

Qonun loyihasi Qrim okkupatsiyasi va Ukraina sharqidagi harbiy harakatlar munosabati bilan prezident Barak Obama farmonlari asosida Rossiyaga qarshi joriy etilgan sanksiyalarning qonunchilik darajasida mustahkamlanishini ko‘zda tutadi.

AQSH siyosiy institutlariga kiberhujumlar uyushtirganlikda gumonlanayotgan shaxslarga nisbatan sanksiyalar ham shu ro‘yxatga kiradi.