АҚШ Сенати Россияга қарши санкцияларни кучайтириш ҳамда Эронга босим ўтказишни жадаллаштириш тўғрисидаги қонунни маъқуллади. Бу ҳақда «Газета.ru» хабар бермоқда.
Қонун лойиҳасини ёқлаб 98 сенатор овоз берди, икки киши унга қарши чиқди. Ушбу қонун лойиҳасининг қабул қилиниши учун овозлар кўплигининг ўзи кифоя эди.
Қонун лойиҳаси Қрим оккупацияси ва Украина шарқидаги ҳарбий ҳаракатлар муносабати билан президент Барак Обама фармонлари асосида Россияга қарши жорий этилган санкцияларнинг қонунчилик даражасида мустаҳкамланишини кўзда тутади.
АҚШ сиёсий институтларига киберҳужумлар уюштирганликда гумонланаётган шахсларга нисбатан санкциялар ҳам шу рўйхатга киради.