Britaniya politsiyasi AQShning Londondagi elchixonasi yangi binosi yonida qoldirilgan ikki egasiz avtomobilni portlatib yubordi

Buyuk Britaniya politsiyachilari AQShning Londondagi elchixonasi yangi binosi yaqinida nazorat qilinuvchi portlashni amalga oshirdi. Bu haqda “TASS” xabar bermoqda.

Huquq-tartibot xodimlari bu yerga elchixona binosi yonida qoldirilgan ikki egasiz avtomobil haqida ma’lumot olinganidan so‘ng yetib keldi. Bino ichida diplomatlar yo‘q edi.

Qoidaga muvofiq, ruxsat etilmagan joyda qarovsiz qoldirilgan avtomobillar, arzimas darajada xavf tug‘dirgan taqdirda ham, mahalliy politsiyachilar tomonidan nazorat qilinuvchi portlash yordamida ochib ko‘riladi.

Elchixona yaqinida ayni paytda politsiyachilar ishlashda davom etmoqda. Shuningdek, tez tibbiy yordam va o‘t o‘chirish mashinalari ham hozirlab qo‘yilgan.