Snouden Merkelning Yevropa taqdiri haqidagi so‘zlarida ramziy ma’no ko‘rdi

AQSh Milliy xavfsizlik agentligi sobiq xodimi Edvard Snouden Germaniya kansleri Angela Merkelning G7 va NATO sammitlari haqidagi taassurotlariga izoh berdi, deb yozadi “MK.ru”.

Kansler Germaniya matbuotiga oxirgi kunlarda Yevropa o‘zidan boshqa hech kimga umid qilmasligi lozimligiga ishonchi komil bo‘lganligini ma’lum qildi. “U davrlar o‘tdi. Shuning uchun faqat shuni aytishim mumkinki, biz, yevropaliklar taqdirimizni o‘z qo‘limizga olishimiz lozim”, — dedi Merkel.

“Bu davrni belgilab beruvchi lahza”, — deya kansler bayonotiga izoh berdi Snouden o‘z mikroblogida.

Snouden bayonotini The Independent gazetasidagi maqolaga izoh sifatida qoldirgan. Gazetada Merkel Tramp boshqaruvini hisobga olib, Germaniya bundan buyon AQShga ishona olmasligi haqida so‘z yuritilgan. Aslida esa Merkel umumiy qilib gapirgan, biroq uning so‘zlaridan aynan Trampdan hafsalasi pir bo‘lganligini anglash mumkin.