O‘zbekiston Oliy ligasining 12-tur bellashuvlaridan 5 tasi kecha — 26-may oqshomida bo‘lib o‘tdi. Yana 3 tasi bugun — 27-may sanasiga tayin qilingan.
Turning eng qiziqarli o‘yini Toshkentdagi “Paxtakor” stadionida kechib, mezbonlar Jizzaxning “So‘g‘diyona” klubi ustidan irodali g‘alabani qo‘lga kiritdi. Mazkur g‘alaba “sherlar”ni turnir jadvalida 5-o‘ringa olib chiqdi.
Poytaxtning boshqa bir klubi “Obod” klubi ustidan yirik g‘alabaga erishgan “Mash’al” kuchli to‘rtlikka kirib oldi.
Qo‘qonda mehmon bo‘lgan buxorolik futbolchilar 1:2 hisobida imkoniyatni boy berdi. Shu tariqa “Qo‘qon—1912” ochkolar soni bo‘yicha “Lokomotiv” bilan tenglashib oldi. “Temiryo‘lchilar” o‘zib ketmasligi uchun bugun Farg‘ona viloyatining boshqa bir klubi “Neftchi” poytaxtdan zafar quchib qaytishi shart.
12-turning eng kutilmagan natijasi Bekobodda qayd etilib, turnir jadvalida so‘nggi o‘rinda borayotgan “Metallurg” peshqadamlardan biri bo‘lgan “Nasaf” ustidan g‘olib chiqdi.
O‘zbekiston Oliy ligasi 12-tur bellashuvlari 26-may, juma
“Metallurg” — “Nasaf” 1:0
Gol: Ayubxon No‘monov, 8 (1:0).“Qo‘qon—1912” — “Buxoro” 2:1
Gollar: Suhrob Berdiyev, 11 (1:0). Murod Xolmuhammedov, 34 (2:0). Akobir To‘rayev, 77 (2:1).“Dinamo” — “Qizilqum” 0:1
Gol: Ilhom Yunusov, 63 (0:1).“Mash’al” — “Obod” 3:0
Gollar: Zafar To‘rayev, 6 (1:0). Humoyun Murtazoyev, 32 (2:0). Doniyor Hasanov, 87-avt (3:0).“Paxtakor” — “So‘g‘diyona” 3:2
Gollar: Sarvar Jo‘rayev, 34 (0:1). Igor Sergeyev, 36 (1:1). Sherzod Karimov, 37 (2:1). Azamat Isroilov, 76 (2:2). Adnan Oraxovats, 87 (3:2).27-may, shanba“Navbahor” — “Bunyodkor”“Sho‘rtan” — “Olmaliq”“Lokomotiv” — “Neftchi”
Izoh (0)