Myunxenning “Bavariya” klubi Bundesliganing 30-turida “Mayns”ni mag‘lub eta olmadi — 2:2. Shu tariqa Karlo Anchelotti jamoasi ketma-ket ikki bor 2 ochkodan boy berdi. Avvalgi turda jamoa “Bayer” maydonida 0:0 hisobida durang o‘ynagandi.
Mavsum boshidan buyon bu ikkinchi kichik inqiroz bo‘ldi. 6 va 7-turlarda ham “Bavariya” futbolchilari ketma-ket ikki bellashuvni durang bilan yakunlagandi.
“Bavariya”ni ta’qib qilib kelayotgan “Leypsig” bundan foydalana olmadi va o‘zi ham 2 ochko boy berdi. Shuningdek, kuchli uchlik uchun kurashayotgan “Xoffenxaym” ham durang o‘ynadi.
Yetakchilardan faqatgina “Borussiya Dortmund” 3 ochkoni qo‘lga kiritdi. Myonxengladbaxdagi adashiga qarshi maydonga tushgan Tuxel jamoasi 3:2 hisobida ustun keldi.
Ma’lumot uchun, Germaniya Bundesligasi klublari uchun joriy mavsum xalqaro maydonda omadsiz bo‘ldi. So‘nggi 12 yilda ilk bor birorta Bundesliga klubi yevrokuboklarda yarim finalga yetib bora olmadi.
Germaniya Bundesligasi 30-tur o‘yinlari 21-aprel, juma
“Kyoln” — “Xoffenxaym” 1:1
Gollar: Leonardo Bittenkurt, 58 (1:0). Kerim Demirboy, 90+3 (1:1).22-aprel, shanba
“Bavariya” — “Mayns” 2:2
Gollar: Boyan Krkich, 3 (0:1). Aryen Robben, 16 (1:1). Daniel Brozinski, 40-pen (1:2). Tyago Alkantara, 73 (2:2).“Borussiya M” — “Borussiya D” 2:3
Gollar: Marko Roys, 10-pen (0:1). Lars Shtindl, 43 (1:1). Marsel Shmelser, 48-avt (2:1). Pyer-Emerik Obameyang, 59 (2:2). Rafael Gerreyru, 87 (2:3).23-aprel, yakshanba
“Shalke” — “Leypsig” 1:1
Gollar: Timo Verner, 14 (0:1). Klaas-Yan Xuntelar, 46 (1:1).
Izoh (0)