“Chegara bilmas shifokorlar” xalqaro gumanitar tashkilotining Suriyada ishlayotgan xodimlari Idlib viloyatining Xon-Shayxun shahridagi jabrlanuvchilarda asab tizimini falaj qiluvchi zarin gazi bilan zaharlanish belgilari borligini ma’lum qildi. Bu haqda “TASS” xabar bermoqda.
Ayni vaqtda, tashkilot xodimlari boshqa tibbiyot muassasalarida ham bo‘lib, bir qator bemorlarning libosidan oqartiruvchi modda hidi kelayotganini ham aniqlagan. “Mazkur ma’lumotlar Xon-Shayxunga berilgan zarba jabrlanuvchilari kamida ikkita kimyoviy modda ta’siriga uchragan, degan xulosa beradi”, — deyiladi tashkilot xabarnomasida.
Reuters agentligi 4-aprel, seshanba kuni Idlib viloyatining Xon-Shayxun shahriga Suriya yo Rossiya samolyotlari tomonidan berilgan aviazarba oqibatida 58 kishi, jumladan, 11 bola halok bo‘lgani haqida xabar berdi. Agentlik Suriya hukumat kuchlari “zaharlovchi gazdan foydalangan bo‘lishi mumkinligi”ni ta’kidladi.
Rossiya va Suriya harbiylari Xon-Shayxunda yuz bergan voqeaga aloqadorligini rad etdi. Keyinroq Rossiya Mudofaa vazirligi 4-aprel kuni Xon-Shayxun atrofiga Suriya aviatsiyasi zarba bergani, zarbalardan biri jangarilarning zaharlovchi moddalari saqlanayotgan qurol-aslaha omboriga borib tushganini ma’lum qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)