Toshkent shahar hokimligi hududiy kommunal foydalanish birlashmasi tuzilmasidagi amaldagi 1055 dispetcherlik xizmati bazasida Toshkent shahrining 1055 markaziy dispetcherlik xizmati faoliyatini tashkil etish rejalashtirilmoqda. Bu haqda 5-aprel, chorshanba kuni Toshkent shahar hokimiyatida bo‘lib o‘tgan matbuot anjumanida ma’lum qilindi.
1055 markaziy dispetcherlik xizmati barcha turdagi kommunal xizmatlar bo‘yicha murojaatlarni qabul qiladi. Xizmatga kommunal xizmatlarning barcha turlari bo‘yicha yuzaga kelgan nosozliklar, uzilishlar va muammolar bo‘yicha murojaat qilish mumkin bo‘ladi.
Anjumanda ma’lum qilinishicha, hozirda loyiha ustida qizg‘in ish olib borilmoqda. Loyiha ishga tushgach, kunduzgi smenada 30 nafar, tungi smenada esa 15 nafar operator aholining murojaatlarini qabul qiladi. Loyihaning dastlabki bosqichi joriy yilning oxirigacha ishga tushirilishi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)