Rossiya BMTda Suriyaga qarshi sanksiyalarga veto qo‘yishga va’da bermoqda

Rossiya Suriya hukumatiga nisbatan sanksiyalar to‘g‘risida tayyorlanayotgan BMT rezolyutsiyasini bloklab qo‘yish uchun o‘zining veto huquqidan foydalanadi, deb yozadi “Kommersant”.

Rossiyaning xalqaro tashkilotdagi muxtor vakili o‘rinbosari Vladimir Safronkov AFP’ga ma’lum qilishicha, u “o‘zlarining pozitsiyasini sheriklariga yetarlicha ochiq-oydin tushuntirgan”. Uning so‘zlariga ko‘ra, Moskva Bashar Asad rejimi tomonidan kimyoviy qurol qo‘llanilgani faktini tan olmaydi.

Nashr eslatishicha, 13-fevral kuni Human Rights Watch xalqaro huquqni muhofaza qilish tashkiloti jangarilar Aleppo shahriga uyushtirgan hujumning yakuniy bosqichi chog‘ida hukumat qo‘shinlari tomonidan kimyoviy qurol qo‘llanilganidan darak beruvchi ma’lumotlarga ega ekanligini ma’lum qilgan edi. O‘z navbatida, Suriya muxolifatining Muzokaralar bo‘yicha oliy kengashi Damashq tashqarisidagi isyonlarni bostirish uchun zaharlovchi moddalar ishlatilganini aytmoqda.