2016-yil yakunlari bo‘yicha madaniyat, san’at, sport va ijodiyot sohasida “E’tirof” mukofoti sovrindorlarini taqdirlash marosimi o‘tkaziladi. Bu haqda O‘zbekiston Madaniyat va sport ishlari vazirligi matbuot xizmati ma’lum qildi.
Xabar berishlaricha, 2016-yil yakunlari bo‘yicha “E’tirof” mukofoti sovrindorlarini taqdirlash marosimi 2017-yil 14-fevral kuni “Istiqlol” san’at saroyida bo‘lib o‘tadi.
“E’tirof” mukofoti “Teatr, kino va ommaviy tomoshalar”, “Estrada, an’anaviy, opera xonandaligi, musiqa ijrochiligi va raqs san’ati”, “Tasviriy va amaliy san’at”, “Badiiy ijod, jurnalistika va televideniye”, “Sport”, “E’tibor, ehtirom, e’zoz” kabi yo‘nalishlar bo‘yicha o‘tkaziladi.
Ma’lumot uchun, “E’tirof” mukofoti taqdimoti ilk marta 2013-yil dekabr oyida tashkil etilgan. 2014- va 2015-yillarda ham mukofotning taqdimoti dekabr oyida o‘tkazilgani sabab, 2016-yil dekabrida mukofot bekor qilingani haqida turli gap-so‘zlar tarqalgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)