Donald Trampning o‘tish ma’muriyati tayinlanishi siyosiy sabablarga asoslangan barcha elchilar inauguratsiya marosimiga qadar lavozimini tark etishi haqida farmon qabul qildi. Bu haqda vaziyat bilan tanish amerikalik diplomatlarga tayanib, The New York Times ma’lum qildi, deya xabar beradi “Gazeta.ru”.
Nashrga ko‘ra, bu uzoq yillar davomidagi diplomatlarga joriy lavozimidan bo‘shashdan avval biroz muhlat berilmaydigan ilk holat bo‘lishi mumkin. Odatda yangi ma’muriyat eskisi bilan ayrim elchilarning faoliyati qisqa muddatga (bir necha hafta yoki oy) uzaytirilishi haqida kelishib olardi.
Qabul qilingan hujjat bilan tanishgan diplomatlarning bildirishicha, farmonda elchilar “istisnosiz” lavozimidan ketishi lozimligi ko‘rsatilgan. Vashington shu tariqa Germaniya, Kanada va Buyuk Britaniya kabi o‘zi uchun muhim mamlakatlarda bir necha oy bosh vakillarisiz qolishi mumkin.
Ma’lumot uchun, Donald Trampning inauguratsiya marosimi 20-yanvarga belgilangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)