Дональд Трампнинг ўтиш маъмурияти тайинланиши сиёсий сабабларга асосланган барча элчилар инаугурация маросимига қадар лавозимини тарк этиши ҳақида фармон қабул қилди. Бу ҳақда вазият билан таниш америкалик дипломатларга таяниб, The New York Times маълум қилди, дея хабар беради «Газета.ru».
Нашрга кўра, бу узоқ йиллар давомидаги дипломатларга жорий лавозимидан бўшашдан аввал бироз муҳлат берилмайдиган илк ҳолат бўлиши мумкин. Одатда янги маъмурият эскиси билан айрим элчиларнинг фаолияти қисқа муддатга (бир неча ҳафта ёки ой) узайтирилиши ҳақида келишиб оларди.
Қабул қилинган ҳужжат билан танишган дипломатларнинг билдиришича, фармонда элчилар «истисносиз» лавозимидан кетиши лозимлиги кўрсатилган. Вашингтон шу тариқа Германия, Канада ва Буюк Британия каби ўзи учун муҳим мамлакатларда бир неча ой бош вакилларисиз қолиши мумкин.
Маълумот учун, Дональд Трампнинг инаугурация маросими 20 январга белгиланган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)