Germaniyalik futbolchi Bastian Shvaynshtaygerning turmush o‘rtog‘i, serbiyalik mashhur tennischi Ana Ivanovich 29 yoshida professional faoliyatini yakunladi. Bu haqda New York Times xabar bermoqda.
Xabarda qayd etilishicha, Ivanovich tez-tez jarohat olishi va buning oqibatida yaxshi tennis namoyish eta olmayotgani uchun shunday qarorga kelgan.
Qaror qabul qilish oson bo‘lmadi. Men yuqori natijalar qayd eta olmasgina o‘ynayman, ammo hozir bu ishni bajara olmayapman.Ma’lumot uchun, 2014-yildan buyon uchrashib yuradigan germaniyalik futbolchi Bastian Shvaynshtayger va Ana Ivanovich 2016-yilning iyul oyiga kelibgina oila qurdi.Ana Ivanovich, tennischi
Serbiyalik tennischi professional faoliyatini 2003-yilda boshlagan. Shu vaqtga qadar u 15 WTA va 5 ta ITF turnirlarida g‘alaba qozongan. 2008-yili “Katta dubulg‘a” turkumiga kiruvchi Fransiya Ochiq chempionatida g‘olib bo‘lgan Ivanovich o‘sha yili dunyoning birinchi raketasi bo‘lgan edi.
Faoliyatini yakunlaganini e’lon qilishdan avval Ana jahon reytingida 63-pog‘onani egallab turgandi. Professional karyerasi davomida Ivanovich 15,5 million dollar mukofot puli yutgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)