Xitoyning Tayyuan shahri (Shansi provinsiyasi) markazida oltin tojli xo‘mraygan xo‘rozning ulkan haykali o‘rnatildi. Uning toji AQSh saylangan prezidenti Donald Trampning sochini eslatadi. Bu haqda 28-dekabr, chorshanba kuni CNN ma’lum qildi.
Haykal mahalliy savdo markazlaridan biriga tegishli bo‘lgan kompaniya buyurtmasiga asosan tayyorlandi. N1 ArtWalk Mall rejalashtirish bo‘limining ma’lum qilishicha, 2017-yilda xo‘roz kompaniya ramziga aylanadi.
Internetda allaqachon Tayyuanda o‘rnatilgan haykalning nusxalari sotilmoqda. Donald Trampning soch turmagiga ega kichik xo‘rozchani 57 dollarga xarid qilish mumkin. Xo‘rozning 10 metrli nusxasi uchun xaridor 1739 dollar to‘lashi kerak bo‘ladi.
“Menimcha, juda yoqimtoy va kulguli xo‘roz. Qoshlari va soch turmagi aynan Trampniki kabi. U ko‘plab xaridorlarni jalb etishiga ishonchim komil”, — deydi xo‘roz nusxalari bilan savdo qiluvchi kompaniyalardan birining rahbari Vey Sin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)