AQShda avtodiler 2 oy ichida 40 ta mashinasi o‘g‘irlab ketilganini bilmay qoldi

AQShning Torrans shahrida (Kaliforniya shtati) jinoyatchilar ikki oy davomida aynan bir diler Nissan-Infiniti’dan mashinalarni olib qochgan. Daily Breeze nashrining ma’lum qilishicha, dilerlik markazining avtomobillar parkovkasiga muntazam bosqinchilik oqibatida 40 ta avtomobil o‘g‘irlab ketilgan, deb yozadi Motor.

Bir paytning o‘zida bir necha yuzlab mashina bo‘lgan dilerlik markazida uzoq vaqt davomida mashinalarning yo‘qolganligini payqashmagan. Olib qochishlar haftasiga bir necha marta amalga oshirilgan. Jinoyatchilar bokslarni avtomobillarning o‘ziga mahkamlangan kalitlar yordamida buzgan.

Mashinalarning olib qochilganligi haqida tasodifan ma’lum bo‘ldi. Shtat politsiyasi to‘xtatgan Infiniti Torransdagi Nissan-Infiniti dileri parkovkasidan o‘g‘irlanganligi aniqlangan. Shundan so‘ng markazda o‘tkazilgan inventarizatsiyada 40 mashinaning kamligi ma’lum bo‘lgan.

Politsiyaning ta’kidlashicha, o‘g‘irlangan mashinalardan turli maqsadlarda foydalanilgan: ba’zilari jinoyat sodir etish uchun bir martalik transport vositasi sifatida foydalanilgan yoki shu kabi maqsadlar uchun boshqa jinoyatchilarga sotilgan. Yana bir qismi ehtiyot qismlarga ajratilgan yoki qisqa muddatga shaxsiy safarlar uchun foydalanilgan.

Surishtiruv boshlangandan buyon huquq-tartibot xodimlari tomonidan 15 kishi hibsga olingan va dilerga o‘g‘irlangan 25 ta mashina qaytarilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.