Rojdestvo haqida kuylagan britaniyalik xonanda Jorj Maykl 25-dekabr kuni — Rojdestvo bayramida hayotdan ko‘z yumdi. U 53 yoshda edi. Qo‘shiqchi Oksfordshirdagi o‘z uyida vafot etdi.
Jorj Maykl (haqiqiy ismi – Georgios Kiriyakos Panayotou) 1963-yilning 25-iyun kuni London shahrida tug‘ilgan. Xonanda 1980-yillar boshida, sinfdoshi Endryu Rijli bilan Wham! nomli pop-duet tarkibida chiqa boshlaganida katta shuhratga erishgan. Duetning Last Christmas nomli qo‘shig‘i butun dunyoda mashhur bo‘lgan.
1986-yili duet ajralganidan so‘ng Maykl yakkaxon sifatida faoliyatini davom ettirdi. Uning qo‘shiqlari butun dunyo bo‘ylab xit-paradlarda yetakchilik qilgan. Jorj Mayklning Wham! dueti tarkibidagi va yakkaxon ijrochi sifatidagi faoliyati davomida uning 100 milliondan ortiq albomlari sotilgan.
Faoliyati davomida xonanda ko‘plab musiqiy sovrinlarga, jumladan, “Gremmi” va beshta MTV mukofotiga loyiq topilgan. Uning so‘nggi – Symphonica nomli albomi 2014-yilda chiqqan edi.
The Guardian nashri mashhur xonandaning hayot yo‘lini suratlarda ko‘rsatib berdi.
Wham! dueti tarkibidagi Jorj Maykl va Endryu Rijli 1982-yili ilk marta Amerika televideniyesida – Solid Gold shousida chiqish qilgan
Jorj Mayklning London shahridagi uyida 1980-yillar boshida olingan surati
Jorj Mayklning 1984-yildagi surati
Wham! dueti a’zolari Jorj Maykl va Endryu Rijli, 1985-yil
Jorj Maykl Wham! duetining Sidneydagi gastrolida. 1985-yil, yanvar
Jorj Maykl, Xarvi Goldsmit, Bono, Pol MakKartni, Bob Geldof va Freddi Merkyuri “Uembli” stadionidagi konsert chog‘ida. 1985-yil, 13-iyul
Qo‘shiqchi Boy Jorj va Maykl Jorj “Uembli” stadionidagi xayriya konseritida. London, 1987-yil
Los-Anjeles, 1989-yil
Malika Diana Jorj Maykl bilan suhbatda, 1993-yil
Jorj Maykl Sony Music kompaniyasiga qarshi sud ishi boshlanishidan avval. London, 1993-yil
Jorj Maykl va Elton Jon malika Diananing dafn marosimida, 1997-yil, 6-sentabr
Xonandaning “Uembli” stadionida 1999-yili bo‘lib o‘tgan xayriya konsertida qo‘shiq ijro etayotgani aks etgan surati
Xonanda “Jorj Maykl: Boshqacha tarix” nomli filmning Berlindagi matbuot anjumanidan keyin. 2005-yil, fevral
Jorj Maykl Londondagi sudni tark etmoqda. U 2 yil haydovchilik guvohnomasidan mahrum etilib, 100 soat jamoat ishlariga jalb etilgandi. Surat 2007-yil, 8-iyun kuni olingan
London–2012 Olimpiya o‘yinlarining yopilish marosimida
Jorj Maykl White Light klipining syemka jarayonida model Keyt Moss bilan birga. 2012-yil, iyun
Parijdagi xayriya konsertida. 2012-yil, sentabr
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)