Рождество ҳақида куйлаган британиялик хонанда Жорж Майкл 25 декабрь куни — Рождество байрамида ҳаётдан кўз юмди. У 53 ёшда эди. Қўшиқчи Оксфордширдаги ўз уйида вафот этди.
Жорж Майкл (ҳақиқий исми – Георгиос Кириякос Панайотоу) 1963 йилнинг 25 июнь куни Лондон шаҳрида туғилган. Хонанда 1980 йиллар бошида, синфдоши Эндрю Рижли билан Wham! номли поп-дуэт таркибида чиқа бошлаганида катта шуҳратга эришган. Дуэтнинг Last Christmas номли қўшиғи бутун дунёда машҳур бўлган.
1986 йили дуэт ажралганидан сўнг Майкл яккахон сифатида фаолиятини давом эттирди. Унинг қўшиқлари бутун дунё бўйлаб хит-парадларда етакчилик қилган. Жорж Майклнинг Wham! дуэти таркибидаги ва яккахон ижрочи сифатидаги фаолияти давомида унинг 100 миллиондан ортиқ альбомлари сотилган.
Фаолияти давомида хонанда кўплаб мусиқий совринларга, жумладан, «Грэмми» ва бешта MTV мукофотига лойиқ топилган. Унинг сўнгги – Symphonica номли альбоми 2014 йилда чиққан эди.
The Guardian нашри машҳур хонанданинг ҳаёт йўлини суратларда кўрсатиб берди.
Wham! дуэти таркибидаги Жорж Майкл ва Эндрю Рижли 1982 йили илк марта Америка телевидениесида – Solid Gold шоусида чиқиш қилган
Жорж Майклнинг Лондон шаҳридаги уйида 1980 йиллар бошида олинган сурати
Жорж Майклнинг 1984 йилдаги сурати
Wham! дуэти аъзолари Жорж Майкл ва Эндрю Рижли, 1985 йил
Жорж Майкл Wham! дуэтининг Сиднейдаги гастролида. 1985 йил, январь
Жорж Майкл, Харви Голдсмит, Боно, Пол МакКартни, Боб Гелдоф ва Фредди Меркюри «Уэмбли» стадионидаги концерт чоғида. 1985 йил, 13 июль
Қўшиқчи Бой Жорж ва Майкл Жорж «Уэмбли» стадионидаги хайрия консеритида. Лондон, 1987 йил
Лос-Анжелес, 1989 йил
Малика Диана Жорж Майкл билан суҳбатда, 1993 йил
Жорж Майкл Sony Music компаниясига қарши суд иши бошланишидан аввал. Лондон, 1993 йил
Жорж Майкл ва Элтон Жон малика Диананинг дафн маросимида, 1997 йил, 6 сентябрь
Хонанданинг «Уэмбли» стадионида 1999 йили бўлиб ўтган хайрия концертида қўшиқ ижро этаётгани акс этган сурати
Хонанда «Жорж Майкл: Бошқача тарих» номли фильмнинг Берлиндаги матбуот анжуманидан кейин. 2005 йил, февраль
Жорж Майкл Лондондаги судни тарк этмоқда. У 2 йил ҳайдовчилик гувоҳномасидан маҳрум этилиб, 100 соат жамоат ишларига жалб этилганди. Сурат 2007 йил, 8 июнь куни олинган
Лондон–2012 Олимпия ўйинларининг ёпилиш маросимида
Жорж Майкл White Light клипининг семка жараёнида модель Кейт Мосс билан бирга. 2012 йил, июнь
Париждаги хайрия концертида. 2012 йил, сентябрь
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)