AQSh Oq uyi rasmiy fotografi Pit Suza prezident qarorgohi xodimlari tomonidan uyushtirilgan bayramoldi hazili haqida so‘zlab berdi, deb yozadi TJournal.
Rojdestvoga Oq uy hududi katta sun’iy qorbobolar bilan bezatildi, qarorgoh xodimlari esa ularni har kuni derazalarga yaqinroq siljitib qo‘yish kerakligi haqida hazil qildi. Biroq qorbobolar ularni siljitish uchun juda og‘ir ekanligi ma’lum bo‘ldi.
Shunga qaramasdan, prezident Barak Obamaning oxirgi ish kunlaridan birida kimdir qorbobolarning bir qismini xuddi Oval kabinet derazasidan qarab turgandek qilib siljitib qo‘ydi. Fotografning so‘zlariga qaraganda, Obamaga hazil ma’qul kelgan.
Avvalroq Obama qorbobolarda qo‘rqinchli nimadir borligini tan olgan va ularni 1988-yilning “Bolalar o‘yini” qo‘rqinchli filmidagi qotil qo‘g‘irchoq Chakiga o‘xshatgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)