4-dekabr kuni bo‘lib o‘tgan saylovda Shavkat Mirziyoyev O‘zbekiston Respublikasi Prezidenti etib saylangani munosabati bilan xorijiy davlatlar va hukumatlar, xalqaro tashkilotlar rahbarlari, xorijiy mamlakatlarning taniqli jamoat arboblaridan samimiy tilaklar bildirilgan qutlovlar kelmoqda. Bu haqda O‘zA xabar berdi.
O‘zbekiston Respublikasi Prezidenti
muhtaram Shavkat Mirziyoyev Janobi Oliylariga
Janobi Oliylari!
Sizni O‘zbekiston Respublikasi Prezidenti etib saylanganingiz munosabati bilan Siz, Janobi Oliylariga o‘zimning eng qizg‘in tabriklarim va ezgu tilaklarimni yo‘llash meni cheksiz quvontiradi.
Siz Janobi Oliylariga ushbu mas’uliyatli lavozimda ulkan muvaffaqiyatlar, o‘zbek xalqiga xayru-barokatlar hamda mamlakatlarimiz va xalqlarimiz manfaatlari yo‘lidagi o‘zaro hamkorligimizga doimiy ravnaq va taraqqiyot tilab qolaman.
Yuksak va samimiy ehtirom bilan,
Xalifa bin Zoid Ol Nahayon,
Birlashgan Arab Amirliklari Prezidenti
O‘zbekiston Respublikasi Prezidenti
Shavkat Mirziyoyev Janobi Oliylariga
Janobi Oliylari!
Sizni O‘zbekiston Respublikasi Prezidenti lavozimiga saylanganingiz bilan tabriklaymiz.
O‘zbekiston Markaziy Osiyoning muhim mamlakatidir va ilgari surilayotgan islohotlar Sizning davlatingiz va butun mintaqa uchun katta ahamiyatga ega. Yevropa Ittifoqi bu harakatlarni qo‘llab-quvvatlashga tayyordir.
Siz bilan tez orada uchrashishga hamda Yevropa Ittifoqi va O‘zbekiston o‘rtasidagi munosabatlarni yanada mustahkamlash borasida kelgusi yillarda hamkorlik qilishga umid bildiramiz.
Sizga mas’uliyatli va muhim vazifangizda ulkan muvaffaqiyatlar tilab qolamiz.
Samimiyat bilan,
Yevropa Kengashi nomidan
Donald Tusk
Yevropa Komissiyasi nomidan
Jan-Klod Yunker
O‘zbekiston Respublikasi Prezidenti
Shavkat Mirziyoyev Janobi Oliylariga
Janobi Oliylari!
Sizni O‘zbekiston Respublikasi Prezidenti lavozimiga kirishganingiz bilan samimiy tabriklayman va ushbu mas’uliyatli faoliyatingizda muvaffaqiyatlar tilayman.
Xalqingizga tinchlik, farovonlik va taraqqiyot tilayman.
Filipp,
Belgiyaliklar Qiroli
O‘zbekiston Respublikasi Prezidenti
Shavkat Mirziyoyev Janobi Oliylariga
Janobi Oliylari!
O‘zbekiston Respublikasi Prezidenti lavozimiga kirishganingiz bilan Siz, janob Prezidentga o‘zimning samimiy tabrigimni yo‘llayman va mas’uliyatli oliy vazifangizni bajarishda ulkan muvaffaqiyatlar tilayman.
Janobi Oliylari, Sizga bo‘lgan yuksak hurmatimni qabul qilgaysiz.
Sauli Niinistyo,
Finlyandiya Respublikasi Prezidenti
O‘zbekiston Respublikasi Prezidenti
Shavkat Mirziyoyev Janobi Oliylariga
Janobi Oliylari!
Sizni O‘zbekiston Respublikasi Prezidenti etib saylanganingiz bilan samimiy tabriklayman, O‘zbekiston Respublikasi va xalqiga eng ezgu istaklarimni yo‘llayman.
Sizning rahbarligingizda O‘zbekiston va uning xalqi yanada gullab-yashnashiga ishonaman.
Sizga jamiyat va iqtisodiyotda islohotlarni amalga oshirishda muvaffaqiyatlar tilayman. Siz boshlagan tashabbuslar butun Markaziy Osiyo mintaqasida barqarorlik va farovonlikka ijobiy ta’sir ko‘rsatishiga aminman.
Sizni ishontirib aytamanki, Estoniya O‘zbekiston bilan mamlakatlarimiz taraqqiyoti uchun yaqin va samarali hamkorlikni davom ettirishga tayyor.
Janobi Oliylari, Sizga bo‘lgan yuksak hurmatimni qabul qilgaysiz.
Kersti Kalyulayd,
Estoniya Respublikasi Prezidenti
O‘zbekiston Respublikasi Prezidenti
Shavkat Mirziyoyev Janobi Oliylariga
Muhtaram Shavkat Miromonovich!
Sizni O‘zbekiston Respublikasi Prezidenti etib saylanganingiz bilan chin dildan samimiy tabriklayman.
O‘zbekiston xalqi Sizga yuksak ishonch bildirib, mamlakatda barqarorlik, tinchlik va taraqqiyot davom etishi uchun o‘z tanlovini amalga oshirdi. Sizning faoliyatingiz samarasida O‘zbekiston yanada yuksak marralarni zabt etishiga ishonchim komil.
Sizning rahbarligingizda mamlakatlarimiz o‘rtasidagi o‘zaro hamkorlik va do‘stlik munosabatlari xalqlarimiz farovonligi yo‘lida yanada rivojlanishiga ishonaman.
Janob Prezident, Sizni yana bir bor muborakbod etish va davlat rahbari sifatidagi mas’uliyatli faoliyatingizga muvaffaqiyatlar tilashga ruxsat bergaysiz.
Hurmat bilan,
Georgiy Margvelashvili,
Gruziya Prezidenti
Shuningdek, quyidagilar o‘z qutlovlarini yo‘llagan:
Kanada general-gubernatori — Devid Jonston
Birlashgan Arab Amirliklari Bosh qo‘mondoni o‘rinbosari, Abu Dabi Amirligi valiahdi — Shayx Muhammad bin Zoid Ol Nahayon
Shanxay Hamkorlik Tashkiloti Bosh kotibi — Rashid Alimov
Energetika Xartiyasi Bosh kotibi — Urban Rusnak
BMT Bosh kotibi maxsus vakili, BMTning Markaziy Osiyo uchun preventiv diplomatiya bo‘yicha mintaqaviy markazi rahbari — Petko Draganov
Konrad Adenauer nomidagi jamg‘armaning Markaziy Osiyo bo‘yicha mintaqaviy vakili — Tomas Kunse
Islom tarixi, san’ati va madaniyati ilmiy-tadqiqot markazi Bosh direktori — doktor Xalit Eren
Amerika–O‘zbekiston savdo palatasi raisi — Kerolin Lemm
Amerika–O‘zbekiston savdo palatasi prezidenti — Stiven Naderni
General Motors International kompaniyasi prezidenti — Stefan Yakobi
O‘zbekiston–Shveytsariya Savdo-sanoat palatasi vitse-prezidenti — Xayns Vissling
“Shindong Resorsez” kompaniyasi prezidenti — Kim Yong Gu
“Mitsubishi Korporeyshn” katta korporativ maslahatchisi, Iqtisodiy hamkorlik bo‘yicha Yaponiya–O‘zbekiston qo‘mitasi raisi — Mikio Sasaki.
Qutlovlar kelishi davom etmoqda.
Izoh (0)