Vyetnamning Xoshimin megapolisida Zika virusini yuqtirish bilan bog‘liq 119 ta holat qayd etildi, deb yozadi “TASS” Preventiv tibbiyot markaziga tayanib.
“Virus mavjudligi tasdiqlangan 119 kishidan 14 nafari — homilador ayollar”, — deya ta’kidlashdi tibbiy markazdagilar. Kasallikning yanada tarqalishiga yo‘l qo‘ymaslik uchun shahar sog‘liqni saqlash organlari hukumat va mahalliy fuqarolarni virusni tashuvchi chivinlarga qarshi kurash choralarini kuchaytirishga chaqirdi.
Zika virusi birinchi marta 1947-yilda Ugandada aniqlangan. Zika bezgagining avj olish holatlari Osiyo, Afrika, Janubiy va Shimoliy Amerikada, shuningdek, Tinch okeani mintaqasida kuzatilgan.
Izoh (0)