Argentinalik prokuror Gilyermo Marixuan mamlakat prezidenti Maurisio Makriga nisbatan vakolatini suiiste’mol qilish va davlat xizmatchisi vazifalarini to‘laqonli bajarmaslik ayblovlarini ilgari surdi. Bu haqda “TASS” xabar bermoqda.
Clarin nashriga ko‘ra, prokuror mansabdorlarning yaqinlari soliq amnistiyasida ishtirok etishiga ruxsat beruvchi dekretga imzo chekkani uchun Makrini sudga bergan muxolifatdagi “G‘alaba uchun front” alyansi deputatlari shikoyatini ko‘rib chiqmoqda.
Argentina parlamenti iyun oxirida soliq amnistiyasi haqida qonunni ma’qulladi. Qonun argentinaliklarga deklaratsiya qilinmagan aktivlari va xorijdagi hisob raqamlarini davlatga ularning qiymatidan 0 dan 15 foizgacha to‘lab yoki davlat obligatsiyalarini xarid qilib, legallashtirish imkonini beradi.
Avvaliga qonun sud, ijro va qonunchilik hokimiyati vakillari hamda ularning yaqin qarindoshlariga taalluqli emasdi. Biroq noyabr oxirida prezident mansabdorlarning ota-onalari, turmush o‘rtoqlari va bolalariga qarindoshlari davlat lavozimini egallaguncha topilgan aktivlarini deklaratsiya etayotganlarini isbotlasa, amnistiyada ishtirok etishga ruxsat beruvchi hujjatga imzo chekdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)