14-dekabr kuni O‘zbekiston Tashqi ishlar vaziri Abdulaziz Kamilov Yevropada xavfsizlik va hamkorlik tashkiloti Demokratik institutlar va inson huquqlari bo‘yicha byurosining (YeXHT DIIHB) O‘zbekiston Respublikasi Prezidenti saylovini kuzatish bo‘yicha missiyasi rahbari, elchi Peter Yoxan Teyler bilan uchrashdi. Bu haqda TIV matbuot xizmati ma’lum qildi.
Suhbat davomida 36 davlatning 193 vakili, jumladan, 20 uzoq va 150 qisqa muddatli kuzatuvchilardan tashkil topgan missiyaning O‘zbekistondagi faoliyati, shuningdek, O‘zbekiston va DIIHB o‘rtasidagi munosabatlar, saylov qonunchiligini yanada takomillashtirish masalalari bo‘yicha hamkorlikning istiqbollari to‘g‘risida fikr almashildi.
Elchi Peter Teyler O‘zbekiston tomonini saylov kampaniyasining yakunlanganligi va bugun Oliy Majlis palatalarining qo‘shma majlisida O‘zbekiston Respublikasi Prezidentining qasamyod qilish tantanali marosimi bo‘lib o‘tganligi bilan tabrikladi hamda missiya faoliyati davomida ko‘rsatilgan ko‘mak uchun minnatdorlik bildirdi.
Suhbatda missiya rahbari o‘rinbosari Polina Mariya Lemos va ekspert Stefan Szved qatnashdi.
Izoh (0)