Xalqaro futbol federatsiyasi (FIFA) bosh kotibi Fotima Samura futbol haqida hech narsa bilmaydi. Fedaratsiyaning sobiq prezidenti Yozef Blatter Fransiyaning Le Monde gazetasiga bergan intervyusida shunday fikr bildirdi, deb xabar beradi “TASS”.
FIFAning may oyida Meksikada bo‘lib o‘tgan kongressida tashkilotning yangi prezidenti Janni Infantino Samurani federatsiya bosh kotibligiga tasdiqladi. U mazkur lavozimni egallagan ilk ayol bo‘ldi.
Intervyuda Blatter Infantinoning faoliyatini keskin tanqid qildi.
“Har ikki haftada u yangi dasturni taklif etadi. Masalan, futbol bo‘yicha jahon chempionatida ishtirok etadigan jamoalar sonini 40 yoki 48 taga yetkazish haqida. Hozirgi 32 jamoadan iborat format asli o‘zi yaxshi. Ochig‘ini aytganda, bosh kotib Fotima Samura futbol haqida hech narsa bilmaydi”, — ta’kidladi Blatter.
Izoh (0)