Yevropa futbol uyushmalari assotsiatsiyasi (UEFA) Ijroiya qo‘mitasining 9-dekabr kuni bo‘lib o‘tgan yig‘ilishida 2017/18-yilgi Yevropa Ligasi final uchrashuvi o‘tkaziladigan stadion nomiga aniqlik kiritildi, deb xabar bermoqda “Football.ua”.
Unga ko‘ra, 2018-yilgi Yevropa Ligasi finali Fransiyaning Lion shahridagi shu nomli klubga tegishli Parc Olympique Lyonnais stadionida bo‘lib o‘tadi. 2016-yilning yanvar oyida foydalanishga topshirilgan mazkur arena o‘z bag‘riga 59 ming muxlisni sig‘dira oladi.
Qayd etish joiz, joriy mavsumdagi Yevropa Ligasi finali Shvetsiyaning Stokgolm shahridagi 50 ming muxlisga mo‘ljallangan Friends Arena stadionida o‘tkaziladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)