Европа футбол уюшмалари ассоциацияси (УЕФА) Ижроия қўмитасининг 9 декабрь куни бўлиб ўтган йиғилишида 2017/18 йилги Европа Лигаси финал учрашуви ўтказиладиган стадион номига аниқлик киритилди, деб хабар бермоқда «Football.ua».
Унга кўра, 2018 йилги Европа Лигаси финали Франциянинг Лион шаҳридаги шу номли клубга тегишли Parc Olympique Lyonnais стадионида бўлиб ўтади. 2016 йилнинг январь ойида фойдаланишга топширилган мазкур арена ўз бағрига 59 минг мухлисни сиғдира олади.
Қайд этиш жоиз, жорий мавсумдаги Европа Лигаси финали Швециянинг Стокгольм шаҳридаги 50 минг мухлисга мўлжалланган Friends Arena стадионида ўтказилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)