Forbes jurnali tarixdagi eng serdaromad sportchilar reytingini tuzib chiqdi, deb xabar bermoqda “RBK”. Reytingdan faoliyatini yakulagan sportchilar ham o‘rin olgan.
Forbes talqini bo‘yicha basketbolchi Maykl Jordan tarixdagi eng serdaromad sportchi deb topildi. Jordan sportchilik faoliyati davomida 1,7 milliard dollar ishlagan.
Ikkinchi o‘rin golfchi Tayger Vudsga nasib qildi. Uning daromadi 1,65 milliardga baholandi. Uchinchi pog‘onadan sentabr oyida vafot etgan golfchi Arnold Palmer joy oldi. Marhum sportchi faoliyati davomida 1,35 milliard dollar daromad topgan.
Kuchli beshlikka tegishli ravishda golfchi Jek Niklaus (1,15 milliard dollar) va “Formula-1” poygasining 7 karra chempioni Mixael Shumaxer (1 milliard dollar) yakun yasadi.
Dastalbki o‘nlikka, mos ravishda, basketbolchi Kobi Brayant (770 million dollar), bokschi Floyd Meyvezer (765 million dollar), golfchi Fil Mikelson (760 million dollar), futbolchi Devid Bekxem (730 million dollar), basketbolchi Shakil O’Nil (700 million) kirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)