Adabiyot bo‘yicha Nobel mukofotiga munosib ko‘rilgan amerikalik rok ijrochisi Bob Dilan mukofotni topshirish marosimi uchun nutq tayyorladi va uni mukofot tashkilotchilariga taqdim etdi. Ushbu nutqda Dilan bunday mukofotga loyiq ko‘rilgani uchun minnatdorlik so‘zlarini izhor etgan, deb yozadi “TASS”.
Musiqachining o‘zi Stokgolmga bormasligi sababli, uning nutqi 10-dekabr kuni mukofotni topshirish marosimidan keyin bo‘lib o‘tadigan banketda Shvetsiya akademiyasi sobiq doimiy kotibi Xoras Engdal tomonidan o‘qib eshittiriladi.
Nobel fondining ijrochi direktori Lars Xaykenstenning aytishicha, ayni paytda filarmoniya sahnasida Karl XVI Gustav qo‘lidan mukofotni — diplom va oltin medalni Dilanning o‘rniga kimdir qabul qilib olish-olmasligi noma’lum.
Eslatib o‘tamiz, Bob Dilan “Amerika qo‘shiqchilik an’anasi doirasida yangi poetik iboralarni yaratgani uchun” mukofotga loyiq deb topilgan edi. Ammo Dilan uni olish uchun Stokgolmga borishdan bosh tortdi.
Izoh (0)