Oxirgi bir hafta ichida Suriyaning turli hududlarida 2,5 mingdan ortiq jangari afv etildi. Bu haqda Rossiya dushman tomonlarni yarashtirish markazi bayonot berdi, deb xabar qiladi “RIA Novosti”.
“Oxirgi haftada Suriyaning turli hududlarida jami 2,5 mingdan ortiq jangari afv etildi”, — deyiladi xabarda.
Jumladan, bugun, 4-dekabr kuni Damashq viloyatidagi at-Tall shahridan “Jabhat Fath ash-Shom” guruhiga a’zo 500 dan ortiq jangari, shuningdek, ularning 1,5 ming nafar oila a’zolari chiqib ketdi. Ular Suriya prezidenti e’lon qilgan amnistiyadan foydalanib, qurollarini topshirdi va shaharni hukumat qo‘shinlariga topshirib, Idlibga yo‘l oldi.
Izoh (0)