Braziliya Oliy sudining aksariyat a’zolari Federal senat (parlamentning yuqori palatasi) raisi Renan Kaleyrusga nisbatan budjet mablag‘larini o‘marish bo‘yicha rasman ayblov e’lon qilinishi uchun ovoz berdi. Bu haqda 2-dekabr, juma kuni Globo telekanali ma’lum qildi, deb yozadi “TASS”.
Mazkur qarorni 11 sudyadan sakkiz nafari qo‘llab-quvvatladi.
Tergov taxminiga ko‘ra, Kaleyrus 2005—2007-yillarda parlament yuqori palatasining raisi ekanligida Senat uchun mo‘ljallangan mablag‘larning bir qismini avtomobillarni ijaraga berish kompaniyasiga yo‘naltirgan. Biroq kompaniya mazkur pullar uchun hech qanday xizmat ko‘rsatmaganligi taxmin qilinmoqda.
Ayblovchi tomonning ta’kidlashicha, kompaniya Kaleyrusga zayomlar taqdim etgan. Bu esa unga nikohsiz tug‘ilgan qiziga aliment to‘lash uchun mablag‘lari borligini tasdiqlash uchun kerak bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)