Tailandning yangi qiroli Maxa Vachiralongkorn Bodintxaratxeppxayavarangkun (Rama X)ning portretlari monax taxtga o‘tirganidan so‘ng ertasi kuni Bangkok ko‘chalarida paydo bo‘ldi, deb yozadi “TASS”.
Tailand an’analariga ko‘ra bezatilgan o‘nlab mehroblar poytaxtdagi ba’zi binolar oldida erta tongdanoq paydo bo‘ldi, valiahdlik jarayoni yakunlangani haqida esa mahalliy vaqt bilan 1-dekabr kuni 22:00 dagina e’lon qilingan edi (Toshkent vaqti bilan 20:00).
Bosh vazir o‘rinbosari Vissanu Krea-Ngamning ma’lum qilishicha, Rama X taxtga o‘tirganiga qaramay, Tailand ko‘chalari va davlat binolarining old qismlari avvalgidek uning marhum otasi portretlari bilan bezatiladi. Bundan tashqari, mamlakatda motam saqlanib qoladi, unga barcha davlat amaldorlari va davlat kompaniyalari xodimlari rioya qilishi kerak. Yil davomida ular qora va oq rangli libos yoki yengiga motam bog‘ichi bog‘langan xizmat uniformasini kiyib yurishi kerak.
Eslatib o‘tamiz, marhum Tailand qiroli Pxumipon Adulyadetning (Rama IX) yagona merosxo‘ri va valiahdi Maxa Vachiralongkorn 1-dekabr kuni Tailand hukmdori bo‘lish taklifini qabul qildi va taxtga chiqdi.
Izoh (0)