BMT Britaniyani Sharm ash-Shayxga parvozlar uchun joriy etilgan taqiqni bekor qilishga chaqirdi

BMTning Butunjahon turizm tashkiloti hamda Butunjahon turizm va sayohatlar kengashi Buyuk Britaniya hukumatini Misrning Sharm ash-Shayx kurortiga qirollik aviakompaniyalari parvozlarini taqiqlash to‘g‘risidagi qarorni bekor qilishga chaqirdi. Bu haqda, tashkilotlar tarqatgan bayonotga tayanib, “TASS” xabar bermoqda.

“Sayohat va turizm Misr iqtisodiyoti uchun hal qiluvchi ahamiyatga ega”, — deyiladi murojaatda.

Tashkilotlarning fikricha, Misr hukumati xavfsizlikni ta’minlash yo‘lida yetarli darajada chora-tadbirlar ko‘rdi va endilikda mazkur taqiqni saqlab qolishdan foyda yo‘q.

Sinay yarim orolida Rossiyaga qarashli layner halokatga uchraganidan so‘ng Buyuk Britaniyaning ko‘pchilik aviakompaniyalari Sharm ash-Shayxga parvozlarni noaniq muddatga to‘xtatib qo‘ygan edi.