26-noyabr, shanba kuni Kamchatkadan tashrif buyurgan 35 yoshli fuqaro Moskvaning Kreml maydoni atrofida yurib, Rossiya prezidenti Vladimir Putin bilan uchrashmoqchi bo‘ldi. Poytaxt mehmoni dastlab ichki ishlar idorasiga olib borildi, qisqa suhbatdan so‘ng esa ruhiy xastaliklar klinikasiga yetkazildi, deb xabar beradi “MK.ru”.
Kamchatka o‘lkasining Yelizovo shahrida tug‘ilib o‘sgan Vitaliy ismli erkak o‘sha kuni ertalab Moskvaga yetib keldi. Uning hushi o‘zida bo‘lmagani, yelkalari kesilib, qonayotgan bois u tashqi ko‘rinishi bilan boshqalarni vahimaga soldi, shu bois o‘tkinchilar huquq-tartibot xodimlarini chaqirdi.
Vitaliy baland ovozda Putinning oldiga kelganini, davlat rahbarining o‘g‘li ekanligini e’lon qilgan. Politsiya jamoat tartibini buzganligi uchun erkakni idoraga olib borishga majbur bo‘ldi.
Klinikada Vitaliyga shizofreniya tashxisi qo‘yildi.
Izoh (0)