Yuqori qon bosimi, ya’ni gipertoniya davolanmasa insult, yurak xuruji yoki buyrak kasalliklari kabi jiddiy muammolarga olib kelishi mumkin. Shuning uchun agar tonometrda 140/90 millimetr ko‘rsatilsa, shifokorga murojaat qilish muhim. U sizga dori-darmonlarni tavsiya qilishi va hayot tarzini o‘zgartirish bo‘yicha maslahatlar berishi mumkin. Buning bilan birga, qon bosimini tushirishga yordam beradigan bir necha ichimliklarni ham sinab ko‘rishingiz mumkin. Ular an’anaviy davolash o‘rnini bosmaydi, balki unga yordam beradi.
Ko‘k yoki qora choy
Tadqiqotlarga ko‘ra, uch oy va undan ko‘proq vaqt davomida choy ichgan insonlarda qon bosimi tushadi. Ko‘k choyning ta’siri qora choyga qaraganda kuchliroq. Shuning uchun kuniga bir stakan choy ichish qon bosimini barqarorlashtirishga yordam beradi.
Qizil karam sharbati
Qizil karam sharbati tarkibidagi nitratlar organizmda azot oksidiga aylanib, qon tomirlarini kengaytiradi. Bu yurakning qon aylanishi uchun ko‘proq kuch sarflashini kamaytirib, bosimni pasaytiradi.
Pomidor sharbati
Yapon olimlarining ko‘p yillik tadqiqotiga ko‘ra, har kuni tuzsiz pomidor sharbati ichish qon bosimini va “yomon” xolesterin darajasini pasaytiradi. Tuzsiz sharbatni tanlang, chunki tuz bosimni ko‘tarishi mumkin.
Anor sharbati
Meta-tadqiqotlar shuni ko‘rsatdiki, muntazam anor sharbatini ichish qon bosimini kamaytirishga yordam beradi, ammo ta’siri taxminan ikki oy davom etadi. Sharbatni tanlashda shakar yoki boshqa qo‘shimchalarsiz mahsulotga e’tibor bering.
Mevali sharbatlar
Gilos sharbati qon bosimini tushirishda yordam beradi, lekin undagi shakar miqdoriga e’tibor bering. Sharbat o‘rniga butun mevalarni iste’mol qilish ham foydali. Ularning iste’moli sistolik qon bosimini va “yomon” xolesterin darajasini pasaytirishga yordam beradi.
Yog‘siz sut
Olimlar hozircha yog‘siz sut ichish qon bosimini pasaytirishi mumkin, deb taxmin qilmoqda. Buni tasdiqlash va aniq mexanizmini aniqlash uchun qo‘shimcha tadqiqotlar kerak.
Izoh (0)