Rossiya mezbonligida o‘tadigan futbol bo‘yicha Konfederatsiyalar Kubogi—2017 ning mukofot jamg‘armasi 20 million dollarni tashkil qiladi.
“Chempionat” ma’lumotiga ko‘ra, turnirga tashrif buyurayotgan har bir jamoa 1,7 million dollarga ega chiqadi. 4-o‘rinni olganligi uchun esa 2,5 million dollar va’da qilingan. Mos ravishda 3-o‘ringa 3 million, 2-o‘ringa 3,6 million, g‘olibga esa 4,1 million nasib qiladi.
2017-yilning 17-iyun sanasida start olib, 2 iyuliga qadar davom etadigan musobaqaga qur’a tashlash marosimi bugun — 26-noyabr kuni Qozon shahrida bo‘lib o‘tadi. Turnirda Rossiya termasi mezbon sifatida, Germaniya esa amaldagi jahon chempioni sifatida ishtirok etadi. Shuningdek, o‘z qit’asining chempionlari sifatida Chili, Meksika, Portugaliya, Avstraliya, Yangi Zelandiya tashrif buyuradi. Afrika Millatlar Kubogining fevral oyida aniqlanadigan g‘olibi ular qatoriga qo‘shiladi.
Izoh (0)