Joze Mourinyo boshchilik qilayotgan Angliyaning “Manchester Yunayted” klubi Yevropa Ligasi guruh bosqichining 5-turida zafar quchib, ochkolari sonini 9 taga yetkazib oldi va turnir jadvalida 2-o‘ringa ko‘tarildi.
“Yunayted” o‘z maydonida kechgan o‘yinlarda 100 foizlik natija qayd etdi. Avvaliga Ukrainaning “Zarya” klubini 1:0 hisobida mag‘lub etgan bo‘lsa, keyinroq “Fenerbaxche” ustidan 4:1 hisobida zafar quchgandi. Bu safar esa “Feynoord” 4:0 hisobi bilan mag‘lub etildi.
Bellashuvda hisob Ueyn Runi tomonidan ochildi. Keyinroq Xuan Mata va Jessi Lingard muvaffaqiyat qozondi. Yana bir gol mehmonlar tomonidan avtogol shaklida tortiq qilindi.
“Yunayted” so‘nggi turni Ukrainada “Zarya”ga qarshi o‘tkazadi. Bellashuv 8-dekabr sanasidan joy olgan. Shu kuni “Feyenoord” o‘z maydonida “Fenerbaxche”ni qabul qiladi.
Yevropa Ligasi “A” guruhi. 5-tur 24-noyabr, payshanba
“Fenerbaxche” (Turkiya) — “Zarya” (Ukraina) 2:0
Gollar: Miroslav Stox, 59 (1:0). Simon Kyer, 67 (2:0).“Manchester Yunayted” (Angliya) — “Feyenoord” (Gollandiya) 4:0
Gollar: Ueyn Runi, 35 (1:0). Xuan Mata, 69 (2:0). Bredli Jons, 75-avt (3:0). Jessi Lingard, 90+2 (4:0).
Izoh (0)