Dortmunddan keyin “Bavariya” Rostovda ham yengildi, ketma-ket 5 ta o‘yinda yutgan “Atletiko” esa 1-o‘rinni naqd qildi (video)

Yevropa Chempionlar Ligasining 5-turidan keyin “Bavariya”ning guruhda peshqadam bo‘la olmasligi oydinlashdi. “Rostov” mehmoni bo‘lgan Karlo Anchelotti jamoasi 2:3 hisobida imkoniyatni boy berdi. Qayd etish kerak, Myunxen klubi Bundesliganing so‘nggi turida “Borussiya Dortmund”ga ham imkoniyatni boy bergandi.

Mazkur ochko yo‘qotish “Bavariya”ning pley-offga yo‘l olishi uchun halal bermagan bo‘lsa-da, 1-o‘rinni qo‘lga kiritish imkoniyatidan tamoman mahrum qildi.

Boisi Madridning “Atletiko” klubi ketma-ket 5 ta o‘yinda g‘olib chiqib, guruh yetakchisi ekanini isbotladi. Ortda qolgan 5 ta o‘yinda Diyego Simeone jamoasi darvozasiga faqatgina eronlik Sardor Azmun yo‘l topa oldi, xolos.

So‘nggi turni Azmun va jamoadoshlari “PSV” maydonida o‘tkazadi. Tomonlarning Rostovdagi o‘yini 2:2 hisobida yakunlagandi. Safardagi durang natija ham Qurbon Berdiyev faoliyat olib borayotgan jamoa uchun Yevropa Ligasi eshiklarini ochib beradi.

Yevropa Chempionlar Ligasi “D” guruhi. 5-tur 23-noyabr, chorshanba

“Rostov” — “Bavariya” 3:2

“Atletiko” — “PSV” 2:0