Bugun,

  • USD 10920.28
  • RUB 177.49
  • EUR 11052.42

Xavfsizlik bo‘yicha ekspert Semi Kamkar har qanday kompyuterga buzib kira oladigan qurilmani yaratdi, deb yozadi “Hi-tech.mail.ru”. PoisonTap’ni yig‘ish atigi 5 dollarga tushdi, uning tavsifini Kamkar o‘z saytida e’lon qildi.

Foto: “Root-nation.com”

PoisonTap’ning asosini Raspberry Pi Zero mitti kompyuteri tashkil qiladi. Uni boshqa USB-gadjetlar, xususan, USB Armory yoki LAN Turtle’ga taqlid qila oladigan boshqa qurilmalar bilan almashtirish mumkin.

Shuningdek, microSD kartasi va microUSB — USB kabeli zarur bo‘ladi. Buzib kirish uchun dasturiy ta’minotni GitHub saytidan bepul yuklab olish mumkin.

Bloklangan kompyuterga buzib kirish uchun, PoisonTap’ni uning USB-portiga ulash kerak. Kompyuterni blokirovkadan chiqarish avtomatik tarzda amalga oshadi va bir necha soniya vaqt oladi. Kamkar ushbu jarayonni videoga olib, YouTube’ga joyladi.

PoisonTap o‘zini USB Ethernet adapter deb ko‘rsatadi, uni tizim birlamchi qurilma deb hisoblaydi. U kompyuter bloklangan taqdirda ham, avtomatik tarzda tanib olinadi va dasturiy ta’minot butun trafikni o‘ziga qayta yo‘naltiradi.

Zararkunanda gadjet brauzerning cookies qaydlarini qo‘lga kiritishi, millionlab yashirin fayllarni ochishi, Gmail, Facebook, shuningdek, onlayn-banking kabi ommabop servislarning zararkunanda versiyalarini yaratishi mumkin.

Bundan tashqari, PoisonTap hujum qilingan kompyuter ulangan marshrutizatorga hujum qiladi. Unga bekdor o‘rnatiladi va routerga internetdan kirish mumkin bo‘ladi. Shuning hisobiga shifrlanmagan trafikni tutish va o‘zgartirish mumkin.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi